Prajñāpāramitā Hṛdaya Sūtra

āryāvalokiteśvaro bodhisatvo gaṃbhīraṃ prajñāpāramitā caryāṃ caramāṇo vyavalokati sma pañca skāndhās tāṃś ca svabhāva śūnyān paśyati sma ||

iha śāripūtra rūpaṃ śūnyaṃ śūnyataiva rūpaṃ | rūpān na pṛthak śūnyatā śūnyatāyā na pṛthag rūpam | yad rūpaṃ sā śūnyatā yā śūnytā sā rūpam | evam eva vedanā saṃjñā saṃskāra vijñānaṃ ||

iha śāriputra sarva dharmāḥ śūnyatā lakṣanā anutpannā aniruddhā amalā avimalā anūnā aparipūrṇāḥ ||

tasmāc chāripūtra śūnyatāyāṃ na rūpaṃ na vedanā na saṃjñā na saṃskārā na vijñānaṃ | na cakṣu śrotra ghrāṇa jihvā kāya manāṃsi | na rūpa śabda gandha rasa spraṣṭavya dharmā | na cakṣudhātur yāvan na manovijñānadhātuḥ | na vidyā nāvidyā na vidyā-kṣayo nāvidyākṣayo yāvan jarāmaraṇaṃ na jarā-maraṇakṣayo | na duḥkha samudaya nirodha mārgā | na jñānaṃ na prāpti nābhisamayas ||

tasmād aprāptitvaṃ bodhisatvānaṃ prajñāpāramitām āśritya viharaty acittāvaraṇa cittāvaraṇa nāstitvād atrastro viparyāsātikrānto niṣṭhanirvānaṃ | tryadhvavyavasthitāḥ sarvabuddhāḥ prajñāpāramitām āśrityānuttaraṃ samyaksaṃbodhim abhisaṃbuddhāḥ ||

tasmāj jñātavyam prajñāpāramitā mahā mantro mahāvidyāmantro anuttaramantro asamasamamantra sarva duḥkha praśamanaḥ satyam amithyātvāt ||

prajñāpāramitām ukto mantraḥ tadyathā | gate gate pāragate pārasaṃgate bodhi svāhā ||